| Quotation |
Is Hierosolymitani itineris per latinum orbem personante primordio, sic est a sua superstitione
sublatus.
Rothomagi, quadam die, hi qui, illam ituri expeditionem, sub eadem crucis professione susceperant,
inter se coeperunt queri: "Nos Dei hostes Orientem versus, longis terrarum tractibus transmissis,
desideramus aggredi, cum ante oculos nostros sint Judaei, quibus inimicior existat gens nulla Dei;
praeposterus", inquiunt, "labor est!" His dictis, arma | praesumunt et in quandam ecclesiam
compellentes, utrum vi nescio an dolo inde recutiunt, et gladiis indiscrete sexus et aetates addicunt, ita
tamen, ut qui christianae conditioni se subderent, ictum mucronis impendentis evaderent.
In qua digladiatione vir quidam nobilis puerulum vidit, misertus eripuit et ad matrem suam detulit. |
