| Quotation |
ego autem dixi: quomodo siue ponam te in filiis et tribuam tibi terram desiderabilem, hereditatem
praeclaram exercituum gentium! et dixi: patrem uocabis me et post me ingredi non cessabis.
pro 'hereditate praeclara exercituum gentium', quam septuaginta transtulerunt: hereditatem
nominatam dei omnipotentis gentium, theodotion significantius transtulit: hereditatem inclytam
fortitudinis robustissimi gentium christum significans, qui ductor et dominus est uniuersarum
gentium suo nomini passionique credentium.
ipse dixit ad israhel: patrem uocabis me, et: qui credit in me, credit in patrem. |
