| Quotation |
Quae, nisi omnia per quae credimus, id est per quae omnia Christiani sumus?
Primum scilicet legem, deinde prophetas, tertio euangelium, quarto apostolicas lectiones, postremum
generationis nouae munus, sancti baptismatis gratiam, diuini chrismatis unctionem; scilicet, ut sicut
apud Hebraeos quondam, id est peculiarem ac propriam dei gentem, cum iudiciarius honor in
potestatem regiam transcendisset, probatissimos et lectissimos uiros per unguentum regium deus
uocauit in regnum, sic omnes homines Christiani, cum post chrisma ecclesiasticum omnia dei
mandata fecissent, ad capiendum laboris praemium uocarentur ad caelum.
|
