| Quotation |
Nostris autem, in assiduo positis procinctu, fatiscentium genarum maciem horribilis primum situs
ambierat et, Francico more incuria diutinae peregrinationis omisso, barbulam quisque rasitare
distulerat.
Quod Podiensis attendens et ne in mutuas ruerent cedes, si quando uspiam preliari eos contingeret,
pro barbarum similitudine Turcos alterutrum se putantes, verens, et crebro eos radi et cruces
argenteas vel cuiuslibet materiei alias cuiusque collo precepit appendi, ne alter ab altero quasi
alienigena possit intercipi. |
