| Quotation |
Nox itaque supervenit et Turcorum vulgus, obsidionis impatiens nec eius qui obsederat pertinatiae et
virtutis ignarum, universum prorsus aufugit.
Quibus ita extrusis, hi qui in urbe commanebant ipsius profecto terrae gentiles, christianae scilicet
homines conditionis, in ipsa egressi ad nostros nocte conclamant: "Franci", inquiunt, "maturate ingredi
civitatem, quia alienigenae diffugiunt: in tantum vestrae fortitudinis concepere timorem!" At ubi
eluxit, loci ipsius primores urbem ultro dedunt et his, quos super eius dominio iurgia motare
compererant, aiunt: "Illum nobis presidere deligimus, quem cum Turcis adeo acriter hesterno egisse
cognovimus". |
