Quotation |
Hoc ergo Iudaei agnoscentes putauerunt quod maiorem terrorem illi inferre possent de Caesare, quam
de eo quod dixerant: Nos legem habemus, et secundum legem debet mori, quia filium Dei se fecit.
Quoniam homo ille alienigena facilius poterat legem alienae gentis contemnere quam Caesarem suae
potestatis auctorem, ideoque clamauerunt dicentes: Si hunc dimittis, non es amicus Caesaris; omnis enim qui se regem facit, contradicit Caesari.
Acclamantibus Iudaeis et dicentibus: Si hunc dimittis non es amicus Caesaris, Pilatus territus cum
audisset hos sermones, adduxit foras Ihesum, et sedit pro tribunali in loco qui dicitur Lithostrotos. |