| Quotation |
Sequenti autem die dans stabulario, uidelicet hospiti suo, duos denarios, petiuit ut curam illius
haberet promittens in redeundo mercedem illi restituendam.
Qua proposita parabola interrogat dominus doctorem legis, quis horum trium fuerit proximus illi qui fuerat uulneratus, utrum leuita uel sacerdos qui ex eadem genti immo ex eadem ciuitate erant et
misericordiam non fecerunt, an potius samaritanus alienigena qui ei misericordiam impendit.
Et ex responsione scribae patenter approbat nullum nobis amplius esse proximum quam illum qui
nostri miseretur, cui et praecipitur a domino ut pergat et similiter agere studeat. |
