| Quotation |
In quo refertur quod ex praecepto Dei neque mulieres deducantur ad numerum, femineae sine dubio infirmitatis obstaculo, neque servorum quisquam, utpote vita moribusque degeneres. Sed ne Aegyptiorum quidem ullus ex his, qui erant admixti, numeratur, profecto ut alienigenae et barbari; sed soli numerantur Istrahelitae et isti non omnes, sed 'a viginti annis et supra'. Et nec sola aetatis habetur observatio, sed quaeritur si et aptum bellis robur ostendat; designatur enim per verbum Dei, ut 'numeretur omnis, qui procedit in virtute'. |
