| Quotation |
Salvator vero non solum discipulos suos electos sub numero statuit, verum et 'capillos capitis' eorum dicit 'esse numeratos'; ait enim: "vestri autem etiam capilli capitis numerati sunt". In quo utique non illos dicebat 'capillos esse numeratos', qui vel ferro attonderi et proici solent vel temporis aetate defluere ac perire, sed illi 'capitis capilli' apud Deum 'numerati sunt', qui in Nazaraeis erant, quibus inerat virtus Spiritus sancti ad prosternendos alienigenas. Virtutes ergo animi et multitudinem sensuum, qui de principali mentis tamquam de capite Apostolorum producebantur, 'capillos capitis' appellavit. |
