| Quotation |
Hoc non pauco tempore perseveravit ibidem, multaque ad illud populi frequentia confluebat et maxime, si quando eiusdem archangeli gloriosa festivitas imminebat, donec Hludowicus imperator dedit monasterium sancti Petri filiae suae Alpaidi, quod et vocatur solo de situ loci Inferius propter alterum huic vicinum, quod eadem ex causa dicitur Superius. (...) De hoc etenim non rege, sed tyranno ita legitur ad locum in Annalibus diversorum regum: Iste Karlus omnibus audatior episcopatus regni Francorum laicis hominibus et comitibus primus dedit, ita ut episcopis nichil potestatis in rebus ecclesiarum permitteret, et cetera. |
