| Quotation |
haec pollicitatio in scripturis erat: hae scripturae in una gente iudaea, quam elegit nasci de carne serui
sui, fidelis sui, qui in illum credidit.
et quomodo gens illa nata est? de abraham sene, et de sarra sterili: ut parturiretur, ut nasceretur ipse
isaac, unde uenit gens iudaeorum, miraculum fit.
nihil de membris suis senex sperabat, nihil de sterelitate coniugis suae optare audebat; quod omnino
non computabat, deus illi obtulit, et offerenti deo credidit, qui a deo optare non ausus est. |
