| Quotation |
Gratanter quidem munuscula tuae caritatis suscepi et eo gratantius, quo te haec intimo devocionis
affectu mittere cognovi, id est olosericam ad reliquias beatae memoriae Baeda magistri nostri ob
recordationem et illius venerationem destinasti.
Et rectum quidem mihi videtur, ut tota gens Anglorum in omnibus provinciis, ubicumque repperti
sunt, gratias Deo referant, quia tam mirabilem virum praeditum in diversis donis tamque ad
exercenda dona studiosum similiterque in bonis moribus viventem Deus illis in sua natione donavit,
quia per experimentum ad pedes eius nutritus hoc quod narro didici.
Similiterque mihimet ipsi coopertorium variatum ad tegendum scilicet propter frigus meum corpus
misisti. |
