Quotation |
Faciunt autem differentiam philosophi inter sapientiam et prudentiam, dicentes sapientiam esse
diuinarum cognitionem, prudentiam autem diuinarum humanarumque agnitionem.
Potest etiam sapientium et prudentium nomine gens Iudaeorum intellegi, quae sibi sapiens esse uisa
est propter legem et prophetarum doctrinam quam accepit, sed quia male eam interpretauit et
intellexit, propterea incertam et occultam dei sapientiam in ea intellegere non potuit; gentiles uero
'humiles' appellantur et 'paruuli', quia agnoscentes ignorantiam suam domini praedicationem statim
ut audiere suscepere.
|