| Quotation |
Talem vitam finientes excipiuntur ab his qui Greco eloquio vocantur theo ypocthonyoe.
Huius anno quarto, qui est dominicae incarnationis 737, nunciatum est invicto Karolo principi, quod
seva gens Sarracenorum, obtenta Septimania et Gotia, in partes iam Provintiae irruissent castrumque
munitissimum Avinionem per fraudem quorundam provintialium comitatum illum obtinuissent.
Quapropter exercitum congregans, illuc iter dirigebat, praemissisque quibusdam exercitus sui
principibus, qui castrum obsiderent, ipse prosecutus est praedictamque urbem obsidione circumdat;
machinisque compositis urbem munitissimam diruit ipsamque cum habitatoribus suis igne et gladio
consumit. |
