| Quotation |
Qui tamen prius ad solitarium quemdam, qui prophetiae spiritum habere dicebatur, adiit, studiose ab
eo sciscitans, utrum gentem Langobardorum, quae in Italia habitabant, superare et optinere possit.
A quo cum servus Dei spatium unius noctis expetisset, ut pro hoc ipso Dominum supplicaret, facto
mane ita eidem augusto respondit: ' 'Gens Langobardorum superare modo ab aliquo non potest, quia
regina quaedam ex alia provincia veniens basilicam beati Iohannis baptistae in Langobardorum
finibus construxit, et propter hoc ipse beatus Iohannes pro Langobardorum gente continue
intercedit.
Veniet autem tempus, quando ipsud oraculum habebitur despectui, et tunc gens ipsa peribit'. |
