| Quotation |
Et uotum uouit anna, si acciperet a domino sexum uirilem, daturam se eum illi omnes dies uitae eius. Vouet ecclesia, si nationibus uerbum committatur et fidei gratia tribuatur populusque ex eis fortis
uirtutibus oriatur, seruiturum hunc domino usque ad tempora gentium impleta neque umquam in
exemplum iudaeorum baalim et astaroth ceterisque portentis gentium genu esse flecturum.
Verum si dies allegorice uirtutes intellegas, omnes dies uitae suae domino dat is qui quicquid
honestum uiuit quicquid lucidum mente uel corpore gerit non sibi tribuit sed cum apostolo
protestatur: gratia autem dei sum id quod sum. |
