| Quotation |
Regnum autem quartum, quod perspicue pertinet ad romanos, ferreum est, quod comminuit et domat
omnia, sed pedes eius et digiti ex parte ferrei, ex parte sunt fictiles; quod hoc tempore manifestissime
comprobatur.
Sicut enim in principio nihil romano imperio fortius et durius fuit, ita in fine rerum nihil imbecillius,
quando et in bellis ciuilibus et aduersum diuersas nationes aliarum gentium barbararum uidetur
indigere auxilio'.
Videte iam quid propheta iste sequatur: in fine autem horum omnium regnorum, auri, argenti, aeris,
et ferri, suscitabit, inquit, deus coeli regnum, quod in aeternum non dissipabitur, et regnum eius
populo alteri non tradetur. |
