| Quotation |
Sicut enim Ionas tribus diebus et tribus noctibus fuit in uentre coeti, euomitusque Nineui se intulit
ciuitati, ita dominus post triduum ab inferno resurgens, se ciuitati Hierusalem intulit ante quam caelo.
At uero Nineue imaginem portat aecclesiae, in qua gentium iam inde noster populus morabatur, quae
non in cassum a deo magna ciuitas dicta est; erat enim futurum, ut omnium nationum in Christo
credentibus populis totus orbis deo omnipotenti una ciuitas redderetur.
Denique comparationem salutaria gesta confirmant, quae et in nobis manent. |
