| Quotation |
Subiunxit tribus, in quibus erat israeliticus populus distributus; sic enim illi genti ad numerum filiorum iacob duodecim tribus fuerunt, sicut romano populo triginta quinque curiae. In istis ergo tribubus significat sanctos, qui dominum saluatorem deum esse confessi sunt; nam ut ab infidelibus tribus istas fidelium segregaret, addidit, tribus domini, quae utique ipsius esse non poterant, nisi ei pura mente credidissent.
Alias enim tribus constat fuisse diaboli, quae a christo maluerunt impia uoluntate separari; quibus
ipse in euangelio dixit: vos a patre diabolo estis. |
