Quotation |
Nomina gentis retinent et litteraturam primi patris et sensum, quia Grecus primus pater, Grecus
et homo ultimus; nomina patriae non ita faciunt: 'Roma' enim dissyllabum est, ' Romanus'
trissyllabum; Roma ex lapidibus et terra, Romanus homo uel bos.
Illa nomina gentis sunt plus generalia quam patriae: nomina enim patriae non comprehendunt
nisi quantum ad unam pertinent dioecesim, sicut Thebanus non dicitur, nisi qui illi subiacet ciuitati,
excepto uno, quod est Romanus; nomina autem gentis generaliter uniuersum regnum
comprehendunt, ut Greci omnes, Constantinopolitani et Thebani: non tamen omnes Greci Thebani
possunt dici.
Tertio modo differunt, quia nomina gentis, si transierint de loco ad locum, non deficiunt, sed
proprium retinent nomen; nomina uero patriae mutando locum mutantur, quia in quamcumque
ueniunt familiam, illius nomina suscipiunt, et quod nomina gentis a propriis patrum nominibus
ueniunt, nomina autem patriae a loco. Vel aliter, nomina patriae transeunt in nomina gentis, nomina uero gentis nullatenus
transeunt in nomina patriae. |