| Quotation |
Ac primum ut de affectu et caritate dicam, quam praecipuam dominus docet esse uirtutem et quam
non solum per omnes scripturas sacras sed etiam per se ipse commendat dicens: In hoc scietur quod
discipuli mei estis, si uos inuicem diligatis, omnes se fere barbari, qui modo sunt unius gentis et
regis, mutuo amant, omnes paene Romani mutuo persequuntur.
16. Quis enim ciuis non inuidet ciui? Quis plenam uicino exhibet caritatem?
Omnes quippe a se, etsi loco non absunt, affectu absunt, etsi habitatione iunguntur, mente disiuncti
sunt. |
