| Quotation |
Unde hec per naturam provide cognoscatis, quod dilecto Octoni comiti nostro de Lumello et
Lumelline probato fidelli in prosperis et adversis liberum arbitrium nostrum <...> antiquitus
concedimus et firmamus et omnibus sue domus ortis et orturis in sua propria natione super terram
usque ad finem seculi filios hominum Lombardie et cuiuscumque civitatis eius terre et ville vel castri
vel religiosis imperio Romano subiecte vel subiectis possit et debeat ad omnes infrascriptos promoveri
honores et inferius celebratos.
Et super hiis omnibus predictus Fredericus imperator sponte ex certa scientia non aliquo ductus errore
concessit et voluit de autoritate sua liberali perpetuo firmavit, quod sit iustisiarius loco nostri per
universas civitates Lombardie et quod possit etiam omnes sue nationis alios constituere et firmare per
universum Romanum imperium et quod ei concedatur de decem <...> ipsi Octoni et omnibus sue
proprie nationis unus iustitie iustitiam faciendam habeat et habeant liberam potestatem sine
contradictione alicuius male gentis tabelliones iudices ordinare, nuntium regalem constituere et
confirmare per universum Romanum imperium in honore suo et gratia comitis et omnibus sue
proprie nationis, sicut nos possumus et nobis est concessum antiquitus et libere ministratum,
iustisiarios, tabelliones, nuntios regales, iudices ordinare, constituere et firmare, sicut a
predecessoribus nostris imperatoribus et regibus habent, habitum divinitus ut libere possit istud tale
privilegium volentibus optinere perpetualem gratiam ministrare sine contradictione alicuius alterius
maiestatis.
Et si quilibet ad dictum honorem pervenerit, iuret per sacramentum, quod non contradicat in aliquo
nostre imperatorie maiestati in nostris pariter et proprie. |
