| Quotation |
"Quamlibet rem publicam testatur Tullius felicem fore, si vel a sapientibus regatur, aut eos qui eam
rexerint studere contingat sapientiae, sine qua ipsam fortitudinem constat usque ad nomen temeritatis
degenerare.
Nos igitur impensius caeteris gentibus debemus gratias Deo referre, quoniam, sedatis procellis quibus
hactenus quatiebamur, princeps magnae sapientiae magnaque pollens strennuitate ad gubernandum
Romanum Imperium emicuit, cui Dei dispositione universus orbis tam Romanus quam Teutonicus
gaudet omni nisu applaudere, videlicet Henricus quintus rex et quartus imperator, vir compositus
multiplici virtute, ferox in bello, pius et mansuetus in pace.
Cum igitur ipse resplendeat velut coruscans lucifer splendore sapientie et redoleat omni boni odoris
suavitate, dignatus est nostrae parvitati precipere, ut colligat sibi chronicum opus a temporibus Karoli
Magni usque ad sua tempora, servando ubique veritatem istoriae. |
