| Quotation |
Et alii quidem doctrinam, alii mores. alii mirantur miracula.
Ego quidem congruum his omnibus honorem defero, sed pre omnibus, quantum in me est, hoc
sublimius duco, hoc propensius predico, quod, cum esset vas electionis et nomen Christi coram
gentibus et regibus ferret intrepidus; cum obedirent ei principes mundi, et ad nutum eius in omni
natione starent episcopi; cum ipsa Romana aecclesia singulari privilegio eius veneraretur consilia et
quasi generali legatione concessa subiecisset ei gentes et regna; cum etiam, quod gloriosius iudicatur,
dicta eius et verba confirmarentur miraculis: numquam excessit, numquam supra se in mirabilibus
ambulavit, sed semper de se humilia sentiens, venerabilium operum non se auctorem credidit, sed
ministrum; et cum esset omnium iudicio summus, suo sibi iudicio constitit infimus. |
