| Quotation |
Dum haec circa Renum geruntur, in Noricorum finibus grave vulnus Romanus populus accepit.
Quippe Germanorum gentes, qui Retias occupaverant, non longe ab Alpibus tractu pari patentibus
campis, ubi duo rapidissimi amnes inter se confluunt, in ipsis Noricis finibus civitatem non quidem
muro, set vallo fossaque cinxerant, quam appellabant Cizarim ex nomine deae Cizae, quam
religiosissime colebant.
Cuius templum quoque ex lignis barbarico ritu constructum, postquam eo colonia Romana deducta
est, inviolatum permansit ac vetustate collapsum nomen colli servavit. |
