| Quotation |
senatui urbis romae theodahadus rex.
Postquam uenerabiles uiros episcopos agnita legatione remisimus nec petitionibus uestris, quamuis essent quaedam reprehensibilia, noster animus obuiasset, uenientes ad nos aliqui retulerunt ciuitatem
romanam adhuc inepta sollicitudine laborare et id agere, ut, nisi nostrae mansuetudinis interesset,
pericula sibi potius certa ex dubiis suspicionibus concitaret.
Vnde aestimate, cui debeat populorum inanis leuitas imputari nisi uestro ordini, a quo decuerant
cuncta componi. |
