| Quotation |
Videns itaque sibi evenisse, quod non putabat, cepit iureiurando firmare, quod, nisi pontifex
voluntatem suam implere morigeraret, et ipsum et omnes, quos habebat in vinculis, alios interficeret,
alios membris detruncaret; sed cum flectere in hoc pontificem minime posset, in hoc tandem plena
deliberatione convenit, ut omnes, quos ceperat, liberos faceret, dummodo securitatem sibi aput papam
futuri temporis provideret.
Hoc profecto per principes suos, hoc per clericos, hoc per laycos, hoc per cives Romanos sollicitus
satagebat.
Ceterum domnus papa facilius vitam exponere quam investituris episcopatuum et abbatiarum
consentire malebat, quamvis ille per investituras illas non ecclesias, non officia quelibet, sed sola
regalia se dare assereret. |
