Stelle Quocirca omnium sanctae dei aeccle...; (Diploma Ottoni III a. 998 (998 - 998), D. 277 (p. 697, lin. 32)) [2724]

Basic Information
Keywords
ID 2724
Text Diploma Ottoni III a. 998 (998 - 998) Anonymous - Diplomas
Quotation Quocirca omnium sanctae dei aecclesiae nostrorumque fidelium praesentium videlicet et futurorum comperiat sollertia, qualiter Hugo venerabilis abbas monasterii sanctaea dei genitricis semperque virginis Mariae in comitatu Sabinensi constructi in loco qui dicitur Acutianus nostram adiens praesentiam ostendit nobis nostrorum antecessorum regum vel imperatorum praecepta eidem monasterio facta atque suppliciter postulans quatinus pro dei amore sanctaeque genitricis dei Mariae eadem praecepta nostra imperiali ac praeceptali auctoritate confirmaremus. Nos vero eius iustis postulationibus assentientes confirmamus iam dicto monasterio quicquid in superioribus continetur preaeceptis, prout iuste et legaliter possumus, videlicet quicquid habere videtur in eodem territorio Sabinensi, [...] ,omniaque in integrum quae ad praedictum monasterium pertinere videntur iuste et legaliter aut ab aliis hominibus deum timentibus acquisierit aut ab his qui modo de rebus aecclesie iniuste tenent et quae in civitate Romana aut in aliqua parte nostri regni Hitalici habere videtur aut acquisierit, per hoc nostrum praeceptum eidem sancto loco confirmamus, una cum terris vineis monasteriis ei subiectis aecclesiis castellis curtibus domibus villis capellis aquis aquarumque decursibus piscationibus molendinis mercatis cultis et incultis colonis aldiis aldiabus manentibus omnibusque residentibus super terras ipsius monasterii servis ancillis omnique familia utriusque sexus cunctisque animalibus. Atque pro dei amore nostraeque animae salute eidem monasterio ministrantibus per hoc nostrum praeceptum perdonamus ut nullus eorum aut suorum hominum deinceps freda aut tributum donet vel mansiones faciat invite aut fideiiussor sine suo velle existat aut in aliquo donet portinaticum aut ripaticum vel herbaticum aut glandaticum vel pontonaticum tam de monachis quam de claericis quamque de hominibus super terras eorum residentibus tam ingenuis quam libellariis quam et servis ac eos sub nostra tuitione recepimus.
Translation
Quotation source D. 277 (p. 697, lin. 32)
Associated use case(s)
Comment