| Quotation |
Sed et si ab specie ad speciem, ut solet, sermo recurrat, non incongrue per hunc Angelum in sole
stantem, eximium illum praedicatorem Heliam intellegimus, qui nunc humanis oculis subtractus in
quadam terrae regione diuinitus celatur, sed in nouissimis saeculi diebus ad caenam Dei aues
uocaturus in sole, id est in aperta manifestatione, demonstrandus docetur, Domino adtestante qui ait:
Helias ueniet, et ipse restituet omnia.
Inde fortasse et haec caena magna uocatur, quae non solum gentium populos, uerum etiam
israheliticam plebem corpori Christi consociat. |
