| Quotation |
Aut non hoc et in lege per mysterium docebatur, cum 'Moyse elevante manus vincebat Istrahel,
demittente vero et deiciente deorsum vincebat Amalec'?
Et si 'omnia haec figuraliter contingebant illis, scripta sunt vero propter nos, in quos fines saeculorum
devenerunt', intelligere debemus quia, donec 'famulus Dei' 'elevat' actus suos ad Deum, 'vincit' ' gens
Dei; 'cum autem deiecerit et demiserit manus', id est actus suos, 'vincit Amalec' inimicus Dei.
Aut quid videtur? - volo enim paululum immorari cum his, qui nolunt haec spiritaliter, sed secundum
litteram intelligi -, numquidnam putandum est quod omnipotens Deus ad 'manus' respiceret Moysei
et, si quidem videret eas 'sursum elevatas', Istrahel victoriam daret, si vero 'deorsum deiectas',
Amalechitis? |
