| Quotation |
Quaestiones etiam difficiles, quae per haec tempora in scriptis habentur legislatoris, enodare non
neglegerem quantum attinet ad historiae veritatem.
Inde autem per reges Assyriorum, Medorum atque Persarum, sive Graecorum, et usque Octaviani
Cesaris monarchiam, ad quas gens Assyriorum dirivando regnum per succedentia pervenit tempora:
in populo autem Dei per patriarchas, iudices, reges ac sacerdotes, iterumque reges, numerum
custodire annorum cautius observarem, et ea, quae gesta in singulis mundi partibus et memoria sunt
digna, adnotarem; ut quaeque immortaliter per singula frequentantur tempora, quando vel ubi
fuerint, qui tunc etiam imperaverint in eminentioribus regnis vel qui populo praefuerint Dei,
ostenderem.
Insuper a destructione templi Hierosolimitani usque ad domini nativitatem Christi, quaeque in
populo gesta sunt Iudeorum, quoniam confusa propter calamitates, quae eis acciderunt, esse videntur,
ordinando summatim colligere instigasti. |
