| Quotation |
3. Gens vero Anglicorum et Saxorum venerunt et veniebant cum eorum negociis et mercadanciis, et
videntes ad clusas evacuari males et bulges, ira commoti, sese cum ministralibus camere
altercationibus imiscebant et verbis iniuriosis et sepius cultro mutuis vulneribus percuciebant.
Rex vero Anglicorum et Saxorum pro secandis tantis et malis et tolendis periculis et rex
Lomgbardorum hoc insimul modo convenerunt: Gens Anglicorum et Saxorum non umquam
deberent adecimari, et ob hanc causam rex Anglicorum et Saxorum et eorum gentes tenentur et
debent mittere ad palatium in Papia et ad cameram regis omni tercio anno quinquaginta libras cocti
argenti et duos magnos canes veltrices mirabiles, pilosos seu velutos, in cathenis cum collariis copertis
laminis deauratis et bolatis sive smaltatis ad arma regis, et duo scuta optima bocelata et duas optimas
lanceas et duas optimas spatas operatas et probatas, et magistro camere debent dare duas magnas
cottas de vario minuto et duas libras cocti argenti et recipere sigillum a magistro camere, quod in
eundo et redeundo nullam molestacionem recipiant.
4. Dux vero Venetorum cum suis Venetis debent dare omni anno de denariis Venetis, qui denarii sint
de uncia una, tam boni de pondere et argento sicut Papienses, libras quinquaginta in palacio Papie et
magistro camere palium unum Optimum, propter hoc, quod ad regem Lomgbardorum pertinet. |
