| Quotation |
Igitur dum domnus Hludowicus cum suis Bari custodirent, nuncii venerunt de finibus Calabriae dicentes: ‘Domine imperator, vestri esse volumus et per vestram defensionem salvi fore desolaverunt, aecclesias suffuderunt; tantum ad vos petimus, ut des nos caput confortacionis, qui nos adiuvent et confortent. Sacramenta vobis damus, tributa solvimus’.
Tunc domnus imperator misericordia motus, non gaudens cupiditatis eorum promissa, sed de illorum dolens militia, elegit strenuis et nobilissimis viris, Hotone de finibus Bergomensis, Oschis et Gariardus episcopis, et confortavit eos domnus imperator et dixit: ‘Ite in pace, fideles Christi, angelus Domini bonus commitetur vobiscum, ut et ego videam vos et laboresquam vobis inpono merear’! Tunc simul cum ipsis missis perrexerunt, et unde egerunt formitatis sacramenta receperunt, et adunantes secum magis ac magis fideles populus. Cumque venerunt in quedam valle, ubi ipsis Sarracini fidentes absque ullo timore annonam metentes, simul cum captivi quas habebant, tund christiani inruentes super illos, et Sarracini quanti ibi invenerunt occiderunt, captive liberaverunt. Ut haec audivit eorum principe Cincimo nomine, de civitate Amantea obviam eorum exiit, preparatus viriliter; et exinde Franci conperti sunt, et iungentes se hii ex una parte et illi ex altera, facta est strages magna Sarracinorum, qui fuga petiens, christiani vero post eos, interficientes usque ad portam civitatis. Oto vero et predicti epsicopi et suorum secutores triumphatores reversi sunt ad domno imperatore. Imperator vero magnum gavisus est gaudium, honorem dignitatis eorum tribuit. |
